Symud allan

Mae symud allan o dŷ myfyrwyr roeddech chi’n ei rannu ychydig yn wahanol i adael neuadd breswyl prifysgol – mae gyda chi dŷ cyfan i’w lanhau a’i bacio, nid dim ond eich ystafell.

Er mwyn gwneud y broses yn haws (ac i’ch helpu i gael eich blaendal llawn yn ôl!) rydyn ni wedi creu rhestr wirio ddefnyddiol. Dilynwch y camau isod i aros ar y trywydd iawn.

Ydych chi wedi cofio…	Beth i’w wneud…	Wedi ei wneud?
Rhent	Gwnewch yn siŵr bod eich rhent i gyd wedi’i dalu. Os nad ydych chi’n siŵr, gwiriwch gyda’ch landlord neu’ch asiant gosod.
Bond/Blaendal	Gwnewch yn siŵr eich bod yn gwybod ble mae eich ID Blaendal a chadarnhewch ble mae’n cael ei ddiogelu. Gallwch wirio’ch cytundeb tenantiaeth neu hen negeseuon e-bost. Os ydych chi’n dal i fod yn ansicr, gofynnwch i’ch landlord neu cysylltwch â’ch cynllun diogelu blaendal.
Stocrestr	Gwiriwch y stocrestr a lenwoch pan symudoch i mewn. Gwiriwch am unrhyw ddifrod nad oedd yno o’r blaen a threfnwch archwiliad symud allan. Os oes anghytundeb dros iawndal, cysylltwch â’ch gwasanaeth diogelu blaendal.
Glanhau	Glanhewch y tŷ yn drylwyr – nid dim ond eich ystafell! Defnyddiwch y stocrestr wreiddiol fel canllaw i wneud yn siŵr bod popeth yn lân.
Ailgylchu a Gwastraff	Edrychwch ar y Canllaw Symud i Fyfyrwyr i weld sut y gallwch gael gwared ar ailgylchu ychwanegol, gwastraff ac eitemau eraill yn gyfrifol.
Eitemau Diangen	Oes gennych chi bethau nad oes eu hangen arnoch mwyach? Peidiwch â’u rhoi yn y bin – cyfrannwch! Bydd llawer o elusennau yn hapus i gymryd eitemau y gellir eu defnyddio. Helpwch i leihau gwastraff wrth helpu eraill.
Post	Diweddarwch eich cyfeiriad post (yn enwedig os ydych chi’n mynd adref ar gyfer yr haf). Cofiwch roi gwybod i’ch meddyg, banc, darparwr ffon symudol, DVLA, cyflogwr, ffrindiau a theulu.
Allweddi	Dychwelwch eich allweddi i gyd i’ch landlord neu’ch asiant gosod yn ystod eich archwiliad symud allan.
Biliau trydan/nwy/dŵr	Talwch unrhyw filiau terfynol am nwy, trydan a dŵr. Darllenwch eich mesuryddion cyn gadael a rhowch eich dyddiad symud allan i’ch darparwyr.
Trwydded Deledu	Rhowch wybod i Trwyddedu Teledu eich bod chi’n symud allan – efallai y byddwch gennych hawl at rywfaint o ad-daliad! Diweddarwch eich gwybodaeth yn tvlicensing.co.uk.